VSA. – Regter Paul Engelmayer het beslis die hofmateriaal van Ghislaine Maxwell se sekshandelsaak sal geseël bly en het gesê om dit vry te stel, “sal nie nuwe inligting van enige belang bekendmaak nie”.
Lees ook: Ghislaine Maxwell na tronk in Texas geskuif
Engelmayer se beslissing volg nadat die departement van justisie gevra het die dokumente moet vrygestel word om die woede te paai wat uitgebreek het ná ’n besluit om nie Maxwell se federale lêers vry te stel nie.
Die departement wou hê die transkripsies van die juriegetuienis en bewyse wat aan hulle voorgelê is, moet vrygestel word.
Engelmayer het geweier en gesê die jurie moet beskerm word en dat die bewyse “’n saak van openbare rekord is”. Hy het gesê “die regering het erken die bewyse is reeds deel van die openbare rekord”.
Bronne: BBC, Fox News, Womenzmag
