GAUTENG. – Die Monetêre Beleidskomitee van die Reserwebank het vandag die repokoers met 25 basispunte van 7.50% tot 7.25% verlaag. DIt tree van 30 Mei af in werking. Vyf lede van die komitee het die verlaging gesteun, terwyl een lid ’n verlaging van 50 basispunte voorgestaan het. Die meeste ekonome het die verlaging verwag.
Lesetja Kganyago, die Reserwebank-goewerneur, het gesê wêreldgroei sal waarskynlik verswak weens hoër handelstariewe en gepaardgaande groter onsekerheid. Werkloosheid is tans plaaslik hoog en sektore soos mynbou en vervaardiging is onder druk. Die BBP-groeiverwagting vir 2025 is na 1.2% verlaag. Die repokoers is tans gelykstaande aan dié van Januarie 2023.
Lees meer hier.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
