MPUMALANGA. – ‘n Sakeroof word ondersoek nadat drie verdagtes Sondag omstreeks 11:45 ’n kerk in Mkhuhlu, Calcutta, binnegestorm en gemeentelede van waardevolle items beroof het.
Lt.kol. Jabu Ndubane, polisiewoordvoerder sê die gewapende verdagtes het die gemeentelede beveel om op die grond te lê en daarna van hulle selfone, kontant en motorsleutels beroof. Hulle het in ’n wit VW Polo, wat aan een van die gemeentelede behoort, van die toneel gevlug. Ndubane sê voorts verskeie skote is in die kerk geskiet, maar niemand is tydens die voorval beseer nie. Die polisie en ander relevante rolspelers is na die toneel ontbied. Verskeie leë patroondoppies is op die vloer van die kerk opgetel.
Geen arrestasies is tot dusver gemaak nie en die ondersoek duur voort. Enigiemand met relevante inligting word gevra om lt.kol. Skhumbuzo Ceko by 082 922 9902 te bel.
Nuusflits het reeds oor verskeie aanvalle op kerke in die provinsie berig. Lees meer hier onder:
