Om te rekspring (bungee jump), sit nie in enige man se broek nie. Wat nog te sê om van die hoogste brug in Suid-Afrika af te spring.
Maar Ruan Watts (14), ‘n leerder aan die Hoërskool Diamantveld, sal dit enige dag weer doen as hy die kans kry.
Ruan, wat gedurende die Maart-vakansie by die Bloukrans-brug in Tsitsikamma gebungee jump het, erken dat hy wel aan die begin ‘n bietjie skrikkerig was.
Die brug is 216m hoog.
‘Dit het letterlik gevoel of my hart uit my bors uit wil klim en ek kon voel hoe ek die lelikste gesig ooit trek die oomblik toe ek spring!”
Hy vertel dat die lekkerste oomblik is as jy spring, omdat dit vir daardie paar sekondes wat jy val, voel asof jy sweef.
Ruan, wat homself as ‘n avontuurlustige mens beskou, vertel dat hy graag meer sulke goed sal wil doen as hy ouer is.
Kyk die video hier:
