OEKRAÏNE. – Rusland het oornag ’n aanval met sowat 108 hommeltuie op Oekraïne geloods. Volgens Kijif kon die Oekraïense weermag 55 van die hommeltuie afskiet.
Lees ook: Oekraïne sê Rusland oortree skietstilstand
Dit volg na die president van Oekraïne, Wolodimir Zelenski, gesê het hy is bereid om Wladimir Poetin persoonlik te ontmoet vir samesprekings oor ’n skietstilstand. Zelenski het gesê hy wag vir Poetin se antwoord oor ’n oproep om die samespreking te reël.
Die VSA, VK en Europese Unie het die naweek geëis die Kremlin moet ’n onvoorwaardelike 30-dagskietstilstand aanvaar, maar Poetin het die eis verwerp en gesê hy sal Donderdag in Istanboel met Zelenski vergader.
Bronne: LBC, Evening Standard, The Telegraph
