Die SA-vrouerugbyspan het die naweek vir die 2025-Rugbywêreldbekertoernooi gekwalifiseer toe hulle Madagaskar 46–17 geklop het.
Hulle is die sesde span wat reeds gekwalifiseer het. Saam met hulle kwalifisering het hulle ook die Afrika-beker gewen.
Nieu-Zeeland, Kanada, Frankryk, Ierland en die gasheerland Engeland het al gekwalifiseer om in die Wêreldbekertoernooi te speel.
Volgens Nolusindiso Booi, kaptein, speel hulle om meisies en vroue te inspireer om ook rugby te begin speel. Sy het hulle afrigters vir hulle harde werk bedank.
Suid-Afrika het in 2023 ook die Afrika-vrouebeker gewen. Die Rugbywêreldbekertoernooi skop op 27 September 2025 in Engeland af.
Bronne: Super Sport Rugby, World Rugby
