Lees ook: Sadou dreig as Bela-wet nie ingestel word nie
Sadou het gesê dit gaan president Cyril Ramaphosa hof toe vat om hom te dwing om aan te kondig wanneer die volle Bela-wet ingestel gaan word.
Dit volg na Ramaphosa nog nie ’n aankondiging oor die twee laaste klousules van die Bela-wet gemaak het nie.
Die sperdatum vir onderhandelinge oor die klousules was 13 Desember 2024. Volgens Sadou se generaal-sekretaris is die unie besig om voor te berei om teen Januarie hof toe te gaan as Ramaphosa nie die datum bekend maak nie. Die unie het voorheen gedreig om te staak as die volle Bela-wet nie ingestel word nie en het die DA blameer vir die vertragings om die wet in te stel.
Die EFF het ook gedreig om te staak as die wet nie ingestel word nie terwyl die DA met regsaksie gedreig het as die wet ingestel word.
Bronne: SABC, ECR, Jacaranda FM
