NEW YORK, VSA. – Sean “P Diddy” Combs dagvaar NBC, Peacock en Ample vir $100 miljoen oor ‘n dokumentêr wat onlangs oor hom gemaak en vrygestel is.
Lees ook: Sean ‘P Diddy’ Combs pleit onskuldig, borg afgekeur
Die dokumentêr genaamd Diddy: The Making of a Bad Boy is onlangs vrygestel met verskeie onderhoude en beeldmateriaal om te wys hoe Combs gekom het tot waar hy is.
Combs en sy regspan het gesê die dokumentêr bevat onwaar, lasterlike stellings oor die kletsrymer. Die dagvaardiging sê dat die dokumentêr “aanneem Combs het verskeie misdrywe gepleeg, insluitend reeksmoord, die verkragting van minderjariges en die sekshandel in minderjariges”.
Volgens die dagvaardiging word Combs beskuldig van verskeie moorde “insluitend die dood van Kim Porter en Christopher Wallace, oftewel Biggie Smalls.
Bronne: The Independent, BBC, ABC News
Lees ook: Sean ‘P Diddy’ Combs pleit onskuldig, borg afgekeur
