KWAZULU-NATAL. – ‘n Sekuriteitsbeampte, vermoedelik in sy 30’s, is vanoggend net na 11:30 in Kewstraat in Kenville, Durban-Noord, doodgeskiet.
Garrith Jamieson van ALS Paramedics sê met die aankoms van paramedici op die toneel was die polisie en verskeie sekuriteitsmaatskappye reeds teenwoordig. Paramedici is na die oorledene, wat in sy bolyf geskiet is, gewys. Die beampte is op die toneel dood verklaar.
Na bewering het die sekuriteitsbeampte op ‘n noodgeval reageer en hy het onder skoot gekom.
Jamieson sê die polisie ondersoek die voorval.
Kry jou nuutste nuus elke oggend per e-pos. Teken hier aan:
