SAN DIEGO. – Ses mense is Sondag dood ná die Cessna 414 vliegtuig waarin hulle was, in die water beland het kort nadat dit opgestyg het.
Lees ook: Verskeie mense dood in vliegtuigongeluk, agt beseer
Die vlieënier het aan lugvaartbeheer gesê hy sukkel om die vliegtuig te laat styg. Hy is aangesê om tot 4 000 voet te klim en om te land by ’n nabye VSA vlootbasis. Kort daarna het die vlieënier “Mayday” verklaar en die vliegtuig het neus eerste in die see neergestort.
Die nasionale vervoerraad en federale lugvaartadministrasie is besig om die ongeluk te ondersoek.
Hulle het gesê die vliegtuig word deur Optimal Health Systems besit, maar volgens dié maatskappy is die vliegtuig in 2023 aan ’n groep individue verkoop.
Bronne: The Independent, Newsweek, New York Post
Lees ook: Verskeie mense dood in vliegtuigongeluk, agt beseer
