OOS-KAAP. – Altesaam ses familielede is gedurende verskeie insidente binne twee dae in Tsolo doodgeskiet.
Kol. Priscilla Naidu sê Maandagaand is ‘n man (43) buite sy oupa se huis in die Mpoza-woonbuurt doodgeskiet.
Dinsdagaand omstreeks 19:00 het bure skote van ‘n rondawel in Mpoza-woonbuurt gehoor. Die liggame van twee mans,75 en 73 jaar, is met skietwonde aangetref. Terselfdertyd is nog ‘n man en twee vroue, tussen 62 en 67 jaar, by ‘n nabygeleë woning doodgeskiet. Naidu sê hierdie drie oorledenes is glo verwant aan die ander oorledenes. Volgens polisie-inligting het drie gewapende verdagtes die slagoffers in die kop geskiet.
Die motief vir die moorde is onbekend.
Enigiemand met inligting oor die moorde word versoek om na vore te kom.
