Lees ook: Verdagtes in hegtenis geneem nie betrokke by AKA-moord nie
DURBAN. – Die polisie het gisteraand aangekondig ses verdagtes is in hegtenis geneem vir die moord op Kiernan “AKA” Forbes en Tebello “Tibz” Motsoane.
Albei mans is verlede Februarie buite ’n restaurant in Durban doodgeskiet.
Die polisie het gesê die moord was ’n beplande huurmoord waarvan AKA die teiken was. Een persoon wat verbind is aan die saak word nog gesoek. Die eerste verdagte is verlede jaar in April in hegtenis geneem en die laaste twee is Saterdag in Eswatini in hegtenis geneem.
Die polisie het gesê gehuurde wapens en voertuie is in die aanval gebruik. Hulle het gesê die persoon wat die huurmoord gereël het, het AKA agtervolg die oomblik wat hy in Durban geland het.
Die polisie het gesê Motsoane was op die verkeerde tyd op die verkeerde plek en was nie die teiken nie. Hy is in die spervuur dood.
Die verdagtes verskyn môre in die hof en nog inhegtenisnemings word verwag.
Bronne: ECR, EWN, The Citizen
Lees ook: Verdagtes in hegtenis geneem nie betrokke by AKA-moord nie
