SESHEGO. – ’n Seun (6) is gister oorlede nadat hy deur ’n dwaalkoeël getref is terwyl hy buite ’n buurman se huis in Juju Valley, Seshego, gespeel het.
Lees ook: Polisie ondersoek moord ná liggaam van tiener gevind is
Volgens die polisie het die kind buite die buurman se huis gespeel terwyl sy ma hom dopgehou het. Hy het skielik ineengestort en hulle het besef sy kop bloei. Sy ma het ’n nabye inwoner vir hulp gevra wat die seun hospitaal toe geneem het. ‘n X-straal is geneem en ’n koeël is in sy kop net bo sy linkeroor gesien. Reëlings is getref om hom na ‘n hospitaal in Polokwane vir verdere mediese sorg te neem, maar hy is oorlede voor hy geskuif kon word.
Die polisie het gesê geen getuies in die gebied het enige skote gehoor toe die seun getref is nie. Die omstandighede aangaande die saak word ondersoek.
Bronne: SAPD
Lees ook: Polisie ondersoek moord ná liggaam van tiener gevind is
