GAUTENG. – ‘n Seun (12) se familie het Vrydagmiddag ‘n anonieme oproep van hul seun, wat glo vir ‘n losprys ontvoer is, ontvang. Die polisie het Saterdag die skoolvervoerbestuurder in hegtenis geneem.
Brig. Brenda Muridili sê ‘n losprys is vir die seun se veilige terugkeer geëis.
‘n Deurbraak is tydens ‘n gesamentlike ondersoek gemaak. Na onderhoude met getuies is die polisie Saterdag na die skoolvervoerbestuurder, waarvan die familie gebruik maak, se huis in Protea Glen en die verdagte is in hegtenis geneem.
Daarna is die ondersoekspan na die bestuurder se ma se woonstel in Kliptown, waar die seun gevind is.
Die seun het geen sigbare beserings opgedoen nie, maar is vir mediese behandeling na ‘n hospitaal geneem.
Muridili sê die verdagte sal vir ontvoering aangekla word, waarna hy binnekort in die hof sal verskyn.
