KWAZULU-NATAL. – ‘n Seun (11) het Sondag gesterf toe die voertuig waarin hy ‘n passasier was, op die N2 naby Stanger gerol het.
IPSS Medical Rescue sê die voertuig het in ‘n suidelike rigting beweeg toe die bestuurder beheer verloor en die voertuig gerol het. Dit het teen ‘n wal in die noordelike baan tot stilstand gekom. Die seun het noodlottige beserings opgedoen en is op die toneel dood verklaar.
“Die seun se oupa, wat bestuur het, het matige beserings opgedoen en is vir verdere sorg na ‘n nabygeleë fasiliteit vervoer.”
