GAUTENG. – Chris Denysschen, die skoolhoof van Hoërskool Waterkloof, is as voorsorg ná klagtes van beweerde inmenging met getuies by die skool, te midde van ‘n dissiplinêre proses, verplaas. Die verplasing is deur die onderwysdepartement bevestig.
Steve Mabona, onderwyswoordvoerder, sê in ‘n verklaring aan Nuusflits die skoolhoof sal vanaf Vrydag 27 Junie by die Tshwane Suid-distrikskantoor aanmeld. Hy sal daar bly totdat die dissiplinêre proses afgehandel is. Die dissiplinêre verrigtinge word onafhanklik deur die Onderwys Arbeidsverhoudingeraad hanteer.
Hierdie ontwikkeling is deel van ‘n lopende dissiplinêre proses wat voortspruit uit ernstige aantygings van onbehoorlike gedrag wat vroeër teen die skoolhoof ingebring is.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
