Slang veroorsaak oponthoud in Japanse treinstelsel

Lees ook :

Slang veroorsaak oponthoud by Japanse treinstelsel. Illustrasie: New Straits Times

TOKIO, JAPAN. – ’n Sneltrein in Japan is Dinsdagaand vir 17 minute vertraag nadat ’n slang deur ’n passasier in die trein gewaar is.

Die slang is tussen Nagoya en Tokio op een van die bekende sneltreindienste, Shinkansen, gewaar. Dit is nie bekend of die 40 cm lange slang giftig was nie.

Geen beserings of paniek is aangemeld nie. Passasiers word toegelaat om klein troeteldiere saam met hulle op die treine te neem, maar slange word nie toegelaat nie.

’n Ander trein is vir die roete gebruik terwyl veiligheidspersoneel die slang van die trein verwyder het. Vertragings van treine is glad nie algemeen binne die Japanse treindiensstelsel nie.  

Bronne: CNN, Japan Times