Die Suid-Afrikaanse weerdiens het hulle weervoorspelling vir die naweek bekendgemaak.
Verspreide en wydverspreide reën is oor die sentrale binneland en oostelike dele van die land moontlik. Vrydag beweeg ’n kouefront oos van die land verby. Dit is dieselfde kouefront wat tans vir die nat toestande oor die meeste dele van die land verantwoordelik is.
Mooi en warm weer word vir die suidwestelike dele van die Noord-Kaap vir Vrydag voorspel.
Saterdag kan wydverspreide donderbuie vanaf Gqeberha tot Durban verwag word. Die Oos-Kaap kan dan ook laer temperature ervaar. Verspreide buie word vir Gauteng voorspel.
Bron: SAWS
