VRYSTAAT. – Mpho Kapotsa (8) oftewel Bokamoso, in gr. 2, is deur haar ma by Bloemspruit-polisiestasie as vermis aangemeld. Sy het nie na skool by haar huis in Khayelisha opgedaag nie.
Kapt. Loraine Earle sê die meisie is Maandag laas deur haar ma gesien, toe sy onderweg was skool toe. Sy is na skool gesien toe sy huis toe gestap het in ‘n informele nedersetting waar hulle woon, maar sy het nooit tuis opgedaag nie.
Kapotsa het kort swart hare en het ‘n vlootblou sweetpak en ligter blou hemp aangehad. (Soos in foto)
Enigiemand met inligting oor waar sy haar bevind, kan speur.AO Lydia Seale by 071 331 8880 bel.
