HARTBEESPOORT, NOORDWES. – ’n Man (40) wat Saterdag in die Hartbeespoortdam vermis geraak het, se liggaam is Maandagmiddag tydens ’n reddingsoperasie gevind.
Hy was een van vyf persone op die boot. Twee vroue was ook in die water, maar is ongedeerd. Net die 40-jarige man het onder die water verdwyn en nie weer opgekom nie.
’n Groot soektog is deur die NSRI en polisieduikers uitgevoer.
Volgens die SAPD wil dit voorkom of die oorledene ’n paar keer daardie dag vanaf die boot in die water gespring het om af te koel. Die laaste keer het hy nie weer opgekom nie.
Adele Myburgh, polisiewoordvoerder, sê ’n geregtelike doodsondersoek sal gedoen word om die amptelike oorsaak van sy dood te bepaal.
Lees ook hier.
Bronne: SAPD, Jacaranda FM, Sowetan Live
