LIMPOPO. – X Raynard, ’n lid van die Suid-Afrikaanse weermag, is Sondag dood nadat hy vermoedelik deur ’n trop olifante vertrap is. Die voorval het tydens patrollie naby die Geelhek van die Madimbo-basis plaasgevind.
Volgens ‘n verklaring van die die SANW was Raynard van die 10 Lugafweerregiment aan diens onder Operasie Corona. Sy dienswapen is op die toneel gevind. ’n Ondersoek is van stapel gestuur om die omstandighede van die voorval vas te stel.
Angie Motshekga, die minister van verdediging, en senior weermaglede het hulle meegevoel met sy afsterwe betuig. Raynard se naasbestaandes is in Kimberley in kennis gestel en ondersteuning word aan hulle gebied.
Lees die volledige verklaring hier onder:
