Lees ook: Jack Smith appelleer teen besluit om Trump se dokumente-saak uit te gooi
Donald Trump het verskeie kriminele sake teen hom gehad toe hy as president verkies is.
Volgens die BBC sal sommige van die regsake teen hom waarskynlik laat vaar word.
Die vonnisoplegging in die swyggeldsaak waarin hy skuldig bevind is op 34 aanklagtes is tot later dié maand uitgestel. Regskenners het gesê Trump sal waarskynlik nie tronkstraf opgelê word in die saak nie en sal vry wees tydens die appèlproses.
Die saak teen Trump oor sy aksies om sy 2020-verkiesingverlies om te keer, sal waarskynlik laat vaar word. Trump het gesê hy is van plan om ontslae te raak van Jack Smith, wat twee sake teen hom gebring het.
Smith se ander saak oor die misbruik van geklassifiseerde dokumente sal waarskynlik ook laat vaar word.
Die saak teen Trump in Georgia oor sy aksies om die verkiesinguitslae van 2020 in dié staat om te keer, sal waarskynlik vertraag of laat vaar word. Regskenners het gesê die saak kan uitgestel word tot Trump nie meer president is nie.
Die siviele bedrogsaak teen Trump waarin hy en sy kinders glo sy eiendomme se waardes opgestoot het om beter lenings en versekering te kry, sal waarskynlik voortgaan.
Trump kan ook moontlik homself verskoon noudat hy president is.
Bronne: BBC, Newsweek, Business Insider
Lees ook: Jack Smith appelleer teen besluit om Trump se dokumente-saak uit te gooi
