GAZA. – Volgens Palestynse reddingswerkers en hospitale is sowat 120 mense dood in Israeliese lugaanvalle op Gaza oor die twee laaste nagte.
Lees ook: Sowat 80 mense dood in Israeliese lugaanvalle op Gaza
Minstens 70 mense het Woensdag omgekom en sowat 50 mense Donderdag. ’n Hospitaaldirekteur in Noord-Gaza het beweer sowat 20 kinders is Woensdag in die aanvalle gedood.
Die Israeliese weermag het gesê dit het meer as 130 “terreurteikens” in Gaza oor die afgelope twee dae aangeval.
Benjamin Netanyahu het die week gesê Israel sal Gaza “met volle krag invaar” oor die volgende paar dae en dat niks die oorlog gaan stop nie. Hy het gesê Israel gaan Hamas uitroei met ’n strategie wat sal lei tot die weermag wat ‘n groter grondgebied in Gaza beheer en al die inwoners sal verskuif word na ’n klein gebied in die suide van Gaza.
Bronne: The Times of Israel, The Washington Post, CNN
Lees ook: Sowat 80 mense dood in Israeliese lugaanvalle op Gaza
