OOS-KAAP. – Ndalo Ngxola van Phungulelweni (3) is omstreeks 10:00 op 11 Desember laas gesien waar hy naby sy huis met maats gespeel het. Die eMaxesibeni-eenheid vir gesinsgeweld, kinderbeskerming en seksuele misdrywe het ‘n soektog na hom geloods.
AO Majola Nkohli, polisiewoordvoerder, sê in ‘n verklaring op die tydstip van sy verdwyning het Ndalo ’n donkerblou sweetpak, donkerblou trui, donkerblou Crocs met oranje insetsels en gestreepte sokkies gedra. Hy is Donderdag as vermis aangemeld en ‘n soektog sedertdien het nog nie sukses opgelewer nie.
Enigiemand met inligting oor Ndalo word gevra om kapt. Luzuko Kanzi te bel.
