WES-KAAP. – Die Stad Kaapstad het Woensdag tydelike herstelwerk aan slaggate in Gugulethu, Manenberg en Nuweland begin.
Rdl. Rob Quintas, burgemeesterskomiteelid vir stedelike mobiliteit, het gesê koue asfaltmengsels word in die winter gebruik omdat warm, droë toestande nodig is vir permanente herstelwerk. Quintas sê oormatige reënval, geblokkeerde dreine en onwettige storting van bande, klippe en matrasse dra by tot padskade. Gryswater, afkomstig van onder meer bad en motorwas, beskadig ook paaie.
“Ons werk hard om dreine oop te hou en slaggate tydig te herstel, maar ons het inwoners se samewerking nodig,” het hy gesê.
Oorstromings en padprobleme kan by die Stad se oproepsentrum by 0860 103 089, per e-pos by [email protected]. of via die City App aangemeld word.
Lees meer hier.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
