’n Opname wat wêreldwyd oor aksente gedoen is, het Suid-Afrika 12de op die ranglys van vriendelikste Engelse aksente geplaas.
Volgens ’n opname deur die aanlyn casino-maatskappy, MinimumDepositCasionos.org het Amerikaners die grootste kans om as vriendelik bestempel te word. Een uit vyf mense het gestem dat hulle aksent “mooi” klink.
Suid-Afrikaners se aksent het na die twaalfde posisie geval nadat hulle in 2019 tweede plek behaal het. Slegs een uit elke honderd deelnemers het Suid-Afrikaners se Engelse aksent as “mooi” beskou.
Brittanje het tweede gekom met een uit elke sewe stemme. Australië het ’n derde plek behaal met een uit elke tien stemme.
Die opname het ook bevind dat ses uit elke tien mense glo hulle word volgens hulle aksent beoordeel.
Bronne: IOL, Times Live
