Zoë, wat al ’n week lank aan ’n ventilator gekoppel is, haal al sedert Sondag op haar eie asem.
Hierdie negejarige dogtertjie het glo op ’n swaai geval wat nie stewig in die grond vasgemaak was nie. Die voorval het gebeur by Korrektiewe Dienste waar sy by haar ouma, Yvonne Botha, bly.
Lathicia Trom, Zoë se ma, het verlede week, waar haar dogtertjie in die hoësorgeenheid van Gariep MediClinic lê, aan FiND iT gesê sy het nog nooit haar kind so gesien nie.
Maandagoggend het Zoë se tannie, Lauren Nyambi, verlig aan FiND iT gesê Zoë is sedert Sondagoggend van die ventilator af. “Sy kry nou net suurstof om haar longe skoon te hou,” vertel Nyambi.
Zoë eet en gesels ook nou. “Sy wil nou net huis toe gaan. Sy huil en soek haar ouma by haar,” vertel Lauren.
