NOORD-KAAP. – Itumeleng Bendow Machabe (27) is vandag in die hooggeregshof in Kimberley op aanklagte van Relebogile Segami (11) se moord en verkragting en nog 16 aanklagte gevonnis.
Lt.kol. Sergio Kock sê ander aanklagte sluit afpersing, bedrog, crimen injuria en kinderpornografie in. Machabe het Segami se liggaam in Maart 2022 in die veld agter die provinsiale wetgewergebou in Galeshewe gelos.
Hy is ook gevonnis vir die verkragting van minderjariges van 13 en 15 jaar. Die slagoffers is tussen 2013 en 2022 in Kimberley deur Machabe op Facebook gelok. Hy het voorgegee om ‘n lesbiese 16-jarige te wees. Hy het dan eksplisiete beeldmateriaal en naakfoto’s van die slagoffers op sosiale media geplaas en hulle afgepers.
Machabe is op 31 Maart 2022 gearresteer en het tot sy vonnisoplegging in aanhouding gebly.
Lt.genl. Koliswa Otola het lede van die Galeshewe-GKS en provinsiale kubermisdaadeenheid (SECI) – kol. Marli Strydom, kapt. Sebata Tsiu, kapt. Monapule Khatwane, AO Nicole Botha, AO Lesego Oliphant, AO Bonolo Masau, AO Tanya Serfontein, AO Oageng Moilwa, sers. Simphiwe Mdunge en sers. Gwyneth Paulsen – vir die suksesvolle arrestasie en vonnisoplegging geprys.
