WESTVILLE, DURBAN. – ’n Swart mamba is Maandag uit ’n blaarwaaier in die Dancliffe-woonbuurt in Durban gehaal.
Volgens Nick Evans, ’n slangvanger, het ’n tuinier al vir ’n geruime tyd ’n swart slang in die tuinskuur gesien. Hy kon aanvanklik nie die slang opspoor nie, maar het na ’n tweede soektog besef die slang is in die blaarwaaier.
Hulle het die hoofpyp van die blaarwaaier met ’n skroewedraaier oopgemaak en sodoende beheer oor die slang gekry.
Die slang is 2,4 m lank en is volgens Evans effens ondergewig. Hy is in ’n veilige natuurlike omgewing vrygelaat.
Bronne: IOL, Cape Town Etc, Nick Evans Facebook
