Lees ook: Sewe noodhulpwerkers deur Israel-weermag gedood
TAIWAN. – Minstens sewe mense is oorlede en meer as 700 is beseer na Taiwan vanoggend deur die ergste aardbewing in 25 jaar getref is.
’n Aardbewing van 7.4 het vanoggend naby die stad Hualien op ’n diepte van 35 km getref.
Minstens 77 mense is in geboue of onder puin vasgekeer met reddingspogings steeds aan die gang. Drie van die oorledenes is dood toe klippe hulle tydens die aardbewing op ’n staproete getref het. Die ander oorledene was ’n vragmotorbestuurder wie se voertuig deur klippe getref is.
Naskokke word steeds gevoel, met een van 6.5 naby Hualien.
Taiwan, Japan en die Filippyne het waarskuwings vir tsoenami’s uitgereik met golwe wat tot drie meter hoog kan raak.
Bronne: The Independent, BBC, CNN
