IDAHO, VSA. – Beamptes van die departement van korrektiewe dienste in Idaho moes die teregstelling van Thomas Creech (73) gister staak nadat hulle agt keer onsuksesvol was om ’n aar te vind.
Volgens Josh Tewalt, hoof van korrektiewe dienste, moes die teregstelling na ’n uur se probeerslae gestop word. “Die mediese span kon nie die IV-lyn vestig nie,” het hy gesê.
Tewalt het in ’n verdere verklaring gesê die mediese span het ’n probleem met die kwaliteit van Creech se are gehad.
Creech is terug na sy self begelei, aangesien die doodsbevel verval het. Hy is die gevangene wat die langste op sy teregstelling in Idaho gewag het. In 1981 is hy tot die dood veroordeel nadat hy ’n medegevangene vermoor het. Hy is ook vir vier ander moorde verantwoordelik en word van ten minste twee ander verdink.
Volgens Tewalt het die departement van korrektiewe dienste nog nie ’n plan oor hoe om met Creech se saak voort te gaan nie.
Creech was die tweede gevangene wat hierdie jaar in die VSA tereggestel sou word. Kenneth Eugene Smith is verlede maand deur middel van stikstofgas tereggestel.
Bronne: SkyNews, CNN, BBC
