Lees ook: Boeing 767 amper in ongeluk na noodlanding
DAKAR, SENEGAL. – ’n Boeing 737-300 het gister aan die brand geslaan en teen die aanloopbaan geskuur op die hooflughawe Blaise Diagne in Senegal, naby Dakar.
Tien mense, insluitend die vlieënier, is in die ongeluk beseer. Die vliegtuig was met 85 mense, die bemanning ingesluit, op pad na Bamako in Mali.
Dit is onduidelik wat die brand veroorsaak het. Die voorval is die derde met ’n Boeing die week. ’n Boeing se wiel het gister gebars tydens ’n landing in Turkye. In nog ’n voorval het ’n Boeing na ’n noodlanding teen die aanloopbaan geskuur.
Die maatskappy is onder druk met ’n ondersoek aan die gang oor die veiligheid van hulle vliegtuie en twee fluitjieblasers wat oorlede is.
Bronne: AP News, TIME, The Washington Post
