WES-KAAP. – ‘n Tienerseun (14) is Vrydag in 18de Laan, Norwood, Elsiesrivier, in die kop geskiet en is op die toneel dood verklaar. Terwyl die motief as bendeverwant beskou word, het die polisie verdagtes in hegtenis geneem.
Kapt. Frederick van Wyk, polisiewoordvoerder, sê in ‘n verklaring die Elsiesrivier-polisiekantoor het ‘n moorddossier geregistreer. Polisiebeamptes het die tiener met die skietwonde aan sy kop op die toneel aangetref.
Inligting van die omstandighede van sy moord is met die ondersoek ontvang. Elsiesrivier-speurders, asook teen-bende-eenheidsbeamptes, het daarop vyf verdagtes in hegtenis geneem.
Hulle verskyn vandag op die aanklag van moord in die Goodwood-landdroshof.
