OOS-KAAP. – Die Swartkops-polisie het ‘n geregtelike doodsondersoek geopen na die verdrinking van Mujaid Muhammed (16) op Kersdag by Bluewaterbaai in die Swartkopsrivier, naby die N2.
Kapt. Sandra Janse van Rensburg sê die oorledene en twee vriende het omstreeks 16:00 in die rivier gaan swem. Volgens ‘n ooggetuie het Muhammed die rivier ingeswem. Toe hy nie meer gesien kon word nie, het die vriende na sy oupa gehardloop en hom oor die situasie ingelig. Alle nooddienste is ontbied, waarna polisieduikers Muhammed se liggaam gevind het.
Die ondersoek duur voort.
