NOORD-KAAP. – ‘n Tienerseun (17) van Daniëlskuil is Maandag in die Postmasburg-streekhof vir die verkragting van ‘n meisie (10) tot vyf jaar tronkstraf gevonnis. Hy is ook onbevoeg verklaar om ‘n vuurwapen te besit.
Sers. Molefi Shemane sê die slagoffer is op 14 Julie 2023 omstreeks 17:00 na ‘n snoepwinkel waar die beskuldigde haar oorval het. Hy het haar na ‘n blyplek geneem, waar sy verkrag is. Tydens nog ‘n voorval het hy haar met geweld na sy huis geneem en verkrag, waarna hy haar tot stilswye gedreig het. Die slagoffer het egter haar ma vertel, die polisie is ontbied en die beskuldigde is gearresteer.
Met die ondersoek van Postmasburg-GKS is die beskuldigde skuldig bevind en gevonnis.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
