KWAZULU-NATAL. – ’n Meisie (15) is Maandagaand in Buffelsdraai doodgeskiet, terwyl haar kêrel (27) gewond is in ‘n skietvoorval deur ‘n venster.
Reaction Unit South Africa (Rusa), sê op sosiale media die operasionele sentrum het omstreeks 23:30 ‘n oproep vir hulp ontvang. Reaksiebeamptes het hulle onmiddellik na die toneel gehaas waar die meisie se liggaam op die vloer van ’n rondawel aangetref is. Volgens inligting is haar kêrel in die rug geskiet en is na ‘n hospitaal geneem voordat nooddienste op die toneel was.
Rusa bevestig vyf 9 mm-patroondoppies is buite die huis gevind.
