WES-KAAP. – ‘n Tienerseun (15) het Dinsdag op ‘n aanklag van verkragting in die Bishop Lavis-landdroshof verskyn.
Eric Ntabazalila, woordvoerder vir die NVG, sê die tienerseun is vir verkragting aangekla, maar die ondersoek duur voort en meer klagtes gaan bygevoeg word. Die staat sal borg teenstaan en ‘n tweede verdagte sal ook op die dossier bygevoeg word.
Die tienerseun as beskuldigde het verkies om nie vir borg aansoek te doen nie. Hy is in ‘n plek van veiligheid waar hy in aanhouding sal bly totdat die saak weer op 9 April in die hof sal voorkom.
