FILIPPYNE. – Die verswakte tifoon Fung Wong het die Filippyne verlaat en beweeg nou oor die Suid-Chinese see op pad na Taiwan.
Lees ook: Supertifoon tref Filippyne
Twee mense is as gevolg van tifoon Fung Wong in die Filippyne oorlede en 1.4 miljoen mense is uit hul huise ontruim. Een persoon het in Catanduanes in flitsvloede verdrink en een persoon is dood nadat haar huis in Samar op haar ineengestort het.
Tifoon Fung Wong het slegs dae ná tifoon Kalmaegi getref, wat tot die dood van 193 persone gelei het.
Filippynse owerhede het gesê daar is minder skade as wat verwag is nadat Fung Wong ‘n supertifoon verklaar is, maar verskeie gemeenskappe is deur oorstromings afgesny van kontak met die buitewêreld.
Bronne: BBC, Sky News, Gulf News
Lees ook: Supertifoon tref Filippyne
