OOS-KAAP. – ‘n Transitorooftog is Maandag deur die polisie gekeer. ‘n Vermeende verdagte is doodgeskiet en vier ander is in hegtenis geneem.
Lt.kol. Siphokazi Mawisa sê inligting van ‘n transitorooftog in aanvang op die N2-hoofweg naby KwaDen, in Tsolo, is deur die polisie ontvang. Met aankoms op die toneel het lede van die taktiese reaksie-eenheid gehoor die verdagtes het die bosse ingehardloop. ‘n Verdagte is op dié tydstip in hegtenis geneem. ‘n Verlate Nissan NP200-bakkie met springstof binne-in, is verlate gevind.
Ten tyde van verdere ondersoek is die polisie na verskeie huise in die Sidwadweni- administratiewe area in Tsolo. Met deursoeking is vier ongelisensieerde gewere, ‘n Toyota Fortuner, Toyota Etios, Ford Ecosport en ‘n Hyundai Getz, saam met springstof en springstoftoestelle, klere in sakke en 161 rondtes ammunisie met sewe magasyne, gekonfiskeer.
Mawisa sê twee verdagte mans is opgemerk toe die polisielede een van die huise verlaat. Nadat nog springstof en springstoftoestelle gevind is, is beide mans gearresteer. Nog twee verdagtes wat ‘n geweer en sak dra, is opgemerk. Die twee het probeer vlug, maar is deur die polisie agternagesit. ‘n Oor-en-weer-skietery het ontstaan en ‘n verdagte is noodlottig gewond. Die ander een is in hegtenis geneem.
“Hierdie verdagtes sal teregstaan op aanklagte van poging tot kontant in transitoroof, poging tot moord, besit van vermoedelik gesteelde motorvoertuie, besit van ongelisensieerde vuurwapens en ammunisie en aanval op die polisie.”
Mawisa sê nog ses verdagtes word gesoek. Die verdagtes in aanhouding sal binnekort in die Tsolo-landdroshof voorkom.
Foto’s: SAPD
