CENTURION, GAUTENG. – ’n Bejaarde man het kritieke brandwonde opgedoen toe sy huis Vrydagaand in Lezonia afgebrand het.
Nog ’n persoon is saam met hom uit die vlamme gered. Die man se troeteldiere, waaronder ’n geliefde kat en hond, het nie die brand oorleef nie.
Volgens Emer-G-Med-nooddienste het hulle die man op die toneel gestabiliseer voordat hy na ’n nabygeleë hospitaal vervoer is.
Volgens inligting is die huis totaal verwoes. Die oorsaak van die brand is nog nie bekend nie en word ondersoek.
Bronne: Emer-G-Med, Community Emergency Response Team, Caxton
