Die Suid-Afrikaanse weerdiens het ’n kennisgewing uitgereik oor die tropiese storm wat tans in die Mosambiekse kanaal heers. Die storm kan in ’n tropiese sikloon ontwikkel en moontlik vir die noorde van KZN, Limpopo en Mpumalanga ligte reën en winderige weer beteken.
Verlede week het dieselfde storm erge donderstorms aan die ooskus van Madagaskar veroorsaak. Satellietbeelde dui aan die storm beweeg in ’n suidwestelike rigting.
Volgens RSMC La Reunion is die grootste risikogebiede die suidkus van Mosambiek, aangesien die storm teen Dinsdag direk daaroor sal beweeg.
Voorspellings wys die storm sal Woensdag weer ooswaarts weg van die Mosambiekse kus beweeg nadat dit energie oor die land verloor het.
Die Suid-Afrikaanse weerdiens sal hulle voorspellings opdateer sodra die storm naderkom.
Bronne: SAWS, Cyclocane, RSMC La Reunion
