ISRAEL. – Die Amerikaanse president Donald Trump het beweer Israel se regering het ingestem tot ’n 60 dae skietstilstand in Gasa.
Lees ook: Sowat 70 mense in Gaza gedood
Hamas het nog nie die skietstilstandvoorstel aanvaar nie, maar Egiptiese en Kataarse onderhandelaars sal die voorstel vandag aan Hamas voorlê.
Trump het op sy sosialemediaplatform, Truth Social, gesê Israel het tot die skietstilstand ingestem en dat hy hoop Hamas sal die ooreenkoms aanvaar, maar dat dit “net erger sal raak” indien hulle nie instem nie.
Die terme van die skietstilstand is onbekend, maar dit sal waarskynlik insluit dat die gyselaars wat steeds in Gasa aangehou word, vrygelaat word. Tans word nog 50 gyselaars in Gasa aangehou, van wie slegs 20 moontlik nog lewe.
Bronne: The Mirror, BBC, Sky News
Lees ook: Sowat 70 mense in Gaza gedood
