VSA. – ‘n Bondgenoot van Donald Trump en konserwatiewe aktivis, Charlie Kirk (31), is gister by die Utah Valley-universiteit doodgeskiet sekondes nadat hy deur ‘n gehoorlid oor vuurwapengeweld uitgevra is.
Lees ook: Suid-Afrika veroordeel Israel se aanval op Katar
Kirk was besig om ‘n vraag te antwoord oor hoeveel voorvalle van massaskietery daar in die laaste paar jaar in die VSA was toe hy in die nek geskiet is. Owerhede het gesê die skoot is afgevuur vanaf die dak van ‘n gebou sowat 200 m van die spreker af.
Kirk is na ‘n hospitaal geneem waar hy later dood verklaar is.
Die polisie is op soek na die verdagtes en is besig om van deur tot deur te gaan op soek na die skieter. Twee verdagtes is in hegtenis geneem en vrygelaat nadat dit bevind is hulle het geen verband met die skietery nie.
Bronne: BBC, The Independent, Euronews
