TUNISIЁ. – Owerhede in Tunisië het bewerings ontken dat een van die bote van die flottielje, met die klimaatsaktivis, Greta Thunberg, deur ’n hommeltuig aangeval is en ‘n brand veroorsaak het. Die flottielje is op pad na Gasa om Israel se blokkade te probeer breek.
Lees ook: Nelson Mandela-kleinseun lid van groep op pad na Gasa om blokkade te breek
Dit volg nadat die organiseerders van die flottielje, Global Sumud Flotilla, beweer het een van hulle bote deur ’n hommeltuig in die hawe van Sidi Bou Said in Tunisië aangeval is. Volgens die organiseerders is die ses passasiers en bemanning veilig.
’n Woordvoerder vir Tunisië se nasionale wag het gesê geen hommeltuig is gesien nie en dat die brand op die boot moontlik deur ’n sigaret veroorsaak is.
Die flottielje is op pad na Gasa met mense van 44 lande om Israel se blokkade te breek en humanitêre hulp af te lewer.
Bronne: BBC, The Independent, Sky News
Lees ook: Nelson Mandela-kleinseun lid van groep op pad na Gasa om blokkade te breek
