MANCHESTER, VK. – Twee mense is dood en drie is ernstig beseer tydens ‘n mesaanval buite die Heaton Park-sinagoge.
Lees ook: 4 mense beseer in aanval op sinagoge in Manchester, verdagte dood
‘n Verdagte het met ‘n voertuig op mense buite die sinagoge afgejaag en toe verskeie mense met ‘n mes begin aanval. Die polisie is ontbied en het die verdagte doodgeskiet. Die verdagte is doodgeskiet voordat hy toegang tot die sinagoge kon kry.
Owerhede het aanvanklik gesê vier mense is in die aanval beseer, maar die getal is later aangepas. Die aanval het gebeur op die heiligste dag van die Joodse kalender, Jom Kippoer.
Die motief vir die aanval is nog ongekend.
Bronne: Euronews, CNN, The Independent
Lees ook: 4 mense beseer in aanval op sinagoge in Manchester, verdagte dood
