CENTURION, GAUTENG. – Twee mense is Dinsdagaand ernstig beseer in ’n ongeluk op die R21 naby die N1-hoofwegverdeling in Gauteng.
CERT-SA se Centurion-span het met hulle aankoms op die ongelukstoneel ’n bakkie gevind wat die pad verlaat en oor die middelste versperring gerol het. Volgens hulle is die insittendes uit die bakkie geslinger en het ernstige beserings opgedoen.
Beide beseerdes is na nabygeleë hospitale vir mediese behandeling geneem. Die presiese omstandighede rakende die oorsaak van die ongeluk is nog nie bekend nie.
Bronne: CERT-SA, Facebook
