BALFOUR, MPUMALANGA. – Die polisie van Balfour het twee verdagtes, onderskeidelik 18 en 19 jaar oud, in hegtenis geneem. Dit volg na die ontdekking van die liggaam van ’n 15-jarige meisie op Vrydag om ongeveer 9:00.
Volgens inligting is die liggaam langs ’n verlate ongemeubileerde huis naby die Goede-seksie ontdek.
Die polisie en paramedici het by aankoms die halfnaakte meisie dood verklaar. ’n Moordsaak is geopen.
’n Eerste verdagte (19) is op 16 Desember in hegtenis geneem en kort daarna die tweede verdagte (18). Hulle het gister op aanklag van moord in die Balfour-landdroshof verskyn.
Ondersoekers vermoed dat die meisie ook verkrag is, maar dit moet deur ’n nadoodse ondersoek bevestig word.
Bronne: SAPD, Twitter
