KWAZULU-NATAL. – Twee mans is vroeër vandag ernstig, in ‘n enkelvoertuigongeluk op die M13, rigting Pinetown, naby Hillcrest, beseer.
Garrith Jamieson van ALS Paramedics sê die diens het net voor 12:00 verskeie oproepe vir hulp oor ‘n ernstige ongeluk ontvang. Die bestuurder het op een of ander manier beheer oor die voertuig verloor, waarna dit oor die middelmannetjie is, gerol en in die Pietermaritzburg-baan net voor die Hillcrest-afrit beland het.
Met aankoms op die toneel het ALS Paramedics beide beseerde manlike insittendes op die teer aangetref waar hulle gelê het. Hulle is deur gevorderde leweonsondersteunende paramedici gestabiliseer voordat hulle na ‘n nabygeleë hospitaal vervoer is.
“Die polisie en metropolisie was teenwoordig en sal die ongeluk verder ondersoek.”
