WES-KAAP. – Twee mans is Woensdagaand omstreeks 21:00 in Umtatasingel, Asla Park, in Mosselbaai doodgeskiet, Kwanonqaba-speurders ondersoek die sterftes.
Sers. Christopher Spies, polisiewoordvoerder, sê aan Nuusflits volgens voorlopige inligting het die polisie op skote in ‘n oop veld gereageer en met hul aankoms die twee mans met veelvuldige skietwonde aan hulle liggame aangetref. Die slagoffers is op die toneel deur paramedici dood verklaar.
Die motief vir die skietvoorval is die onderwerp van ’n verdere polisieondersoek.
Niemand is tot dusver in hegtenis geneem nie.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
