KWAZULU-NATAL. – Twee persone het Dinsdagoggend gesterf en ongeveer 17 is beseer toe ‘n bakkie en ‘n taxi op die R74 by die Doringkop-interseksie naby Stanger in ‘n ongeluk betrokke was.
Samantha Meyrick van IPSS Medical Rescue sê aan Nuusflits sewe passasiers is ernstig beseer en deur die diens vervoer, terwyl nog nege passasiers deur EMRS vervoer is. Een passasier van die taxi is kritiek beseer en is met ‘n AMS-helikopter na ‘n gepaste fasiliteit in Durban gevlieg. Twee beseerde passasiers is op die toneel dood verklaar.
Beseerdes is gestabiliseer voordat hulle vir verdere mediese behandeling na verskeie fasiliteite geneem is.
